Anke, ‘n trotse ou Gimmie leerder wat in Lemoenkloof grootgeword het, het in 2020 haar verhuringsportefeulje by De Vreugde Eiendomme begin bou. Met haar harde werk en toewyding het sy sedertdien ‘n ten volle gekwalifiseerde NQF4 eiendomsagent geword, en haar kliëntebasis uitgebrei om ook internasionale kliënte van Nederland, Londen, Taiwan, Nieu-Seeland en selfs China te bedien.
Benewens haar sterk posisie in verhuring, het Anke haarself ook gevestig as ‘n uitstekende verkoopsagent. Haar loopbaan word gekenmerk deur ‘n bewese vermoë om ‘n bekwame onderhandelaar, visionêre denker, entrepreneur en strategiese beplanner te wees. Sy verstaan die unieke vereistes van die huurmark en plaas altyd haar kliënte se belange en beleggingsbehoeftes eerste.
Wat Anke egter regtig laat uitstaan, is haar warmte en mensgerigtheid. Sy bou nie net verhoudings nie, sy koester dit – en dit is hoekom haar kliënte jaar ná jaar aan haar lojaal bly.
In haar vrye tyd geniet sy dit om die boomryke landskappe van Paarl te verken en tyd saam met haar vriende, familie en haar geliefde dierekinders deur te bring.